陈展鹏回想起21年嘅演艺路上，并唔係平步青云～佢拍过电影，做过歌手通，而最低迷嘅时候仲曾经落过地盘做工人，每样经历都成就咗今日嘅佢。今日能够成为TVB当家小生，佢好感激一班雪中送炭，曾经喺旁边帮佢嘅朋友，而且当然唔少得对佢无限包容嘅父母～
陈展鹏捱足21年 地盘工到视帝
陈展鹏上年就凭住《城寨英雄》「拳佬」一角获得最佳男主角嘅殊荣～陈展鹏得奖之后，向在场嘅父母致谢：「其实你地每一年话同我攞飞嘅时候，我都话冇飞，因为係好难攞到啲飞。但其实我希望你哋两个嚟嘅时候，係同我分享到呢一份喜悦，我多谢我妈咪，喺我最辛苦嘅时候，我捱得最辛苦嘅时候，照顾咗我嘅健康，因为有健康才可以把握到每一个机会。」
名副其实孝顺仔
虽然拍剧好忙，但係展鹏都会将屋企人放喺第一位，佢仲成日都比人影到同妈咪一齐行街，展鹏上年仲带妈咪去美加旅游，仲周不时喺社交媒体上面上载同妈咪嘅合照，妈咪都好兴奋～两个人仲去咗酒庄享用午餐，相入面睇到陈妈妈笑得好开心～
21年的演艺生涯
不过陈展鹏嘅星途其实都唔太顺，自从佢1994年17岁中学毕业之后，就参加咗无綫电视艺员训练班第7期艺员进修班，毕业之后就签约成为无綫旗下艺员，开始咗演艺生涯～到咗1996年，佢初次出现银幕前，曾经喺电影《冲锋队怒火街头》入面饰演陈小春嘅细佬。
嗰年，佢同朋友去唱k嘅时候，仲遇到着名音乐乐队Blue Jeans嘅苏德华～当时陈展鹏加入咗全球规模最大嘅宝丽金唱片公司，仲推出咗四首单曲～当时为咗专注歌手工作，佢就同无綫解除合约
从演员到歌手再到地盘工人
不过好景不常，佢连专辑都未出，就遇上咗97金融风暴，当时香港经济低迷，加上盗版猖狂，最后佢所在嘅公司被环球唱片收购，佢无被续约，唱片工作胎死腹中
展鹏突然失去咗歌手同演员嘅工作，因为大受打击，所以佢好颓废咁过咗两三年，当差唔多係无收入，要靠父母接济～但係本身家境就一般嘅佢，最后都要被逼向现实低头，那时遇到一个曾经同佢一齐打乒乓球嘅判头介绍地盘工比佢，日薪虽然只得350蚊，但係为咗生活，佢仲试过连续两星期番工～最后维持咗半年，因为受伤，而逼不得已放弃
重返无綫 由低做起
2002年佢加入亚视拍电视剧，佢参与嘅剧集例如有《我和殭尸有个约会3》、《爱在有情天》等。但係嗰阵亚视开始衰落，效力六年之后，就喺08年回归番TVB～当时好多人都批评佢亚视味浓，重返无綫之后佢接拍嘅剧集例如《情越双白线》、《真相》同埋《单恋双城》等都係以斯文形象示人，深入民心～呢几套作品播出后，都成功令佢再度吸引好多粉丝，之后演出嘅剧入面佢都担演主角，今年就有《巨轮2》、《寨英雄》等剧～
第一次成为视帝
虽然锺意佢嘅人愈嚟愈多，但係佢并无因为咁而鬆懈，即使拍动作场面，佢都唔用替身，坚持自己亲身上阵～回归无綫9年嘅陈展鹏上年更加凭住《张保仔》嘅「十一贝勒爷」入围万千星辉颁奖典礼「最佳男主角」同埋「最受欢迎电视男角色」～最后佢虽然被黄秋生击败，失落咗最佳男主角，但今年他终于以《城寨英雄》拳佬一角获得视帝，为佢21年嘅演员生涯掀开新一页！
陈展鹏比任何人都更清楚，佢眼前嘅成就得来不易，即使面再差嘅境况，都要喺逆境中坚持到底 ，能够一直唔放弃嘅人先有资格攀上另一层次～！
